Напаѓачот на Тотенхем, Мохамед Кудус, ќе пропушти неколку од претстојните натпревари на тимот поради повреда. Според британските медиуми, лекарските прегледи покажале повреда на бутниот мускул.
Ситуацијата може да го натера раководството на Тотенхем да се активира на јануарскиот трансфер-маркет за да обезбедат нов напаѓач и да ги минимизираат последиците од отсутноста на еден од клучните играчи.
Мохамед Кудус се приклучи на Тотенхем од Вест Хем во летниот трансфер-прозорец, а трансферот изнесуваше 63,8 милиони евра.
Досега, ганскиот интернационалец има 19 настапи за лондонскиот клуб во Премиер – лигата, со два постигнати гола и шест асистенции.
