Тотенхем официјално го објави трансферот на 24-годишното крило Мохамед Кудус од Вест Хем. Ганскиот репрезентативец потпиша шестгодишен договор и ќе го носи дресот со број „20“.
Според медиумите, Тотенхем за офанзивниот фудбалер платил 55 милиони фунти (околу 63,8 милиони евра).
Кудус настапуваше за „чеканите“ од летото 2023 година, кога пристигна од Ајакс. Во тој период запиша 80 натпревари во сите натпреварувања, постигна 19 голови и забележа 13 асистенции.
„Тотенхем е клуб со богата историја и тоа беше важно за мојата одлука да дојдам тука. Импресиониран сум од проектот и од тоа како ме гледа менаџерот како дел од него. Томас Франк веќе има докажано дека знае да развива таленти и со нетрпение очекувам да работам под негово водство. Јас сум тимски играч и мојата цел е да освоиме што е можно повеќе бодови“, изјави Кудус.
