Дефанзивецот на Манчестер Сити, Мануел Аканџи, би можел да ја продолжи кариерата во друг клуб од Премиер лигата – Тотенхем, пренесуваат британските медиуми.
Лондонскиот клуб е најсериозен кандидат за неговиот потпис, иако интерес за 30-годишниот Швајцарец покажаа и Милан и Кристал Палас.
Аканџи е дел од Сити од 2022 година и во овој период има одиграно 136 натпревари во сите конкуренции, постигнувајќи пет гола и три асистенции. Неговиот договор со „граѓаните“ трае до јуни 2027 година, а неговата моментална вредност изнесува 28 милиони евра.
