Шокантни вести пристигнуваат од Франција. Еден од најголемите, најтрофејните и најсаканите клубови во земјата, славниот Жиронден Бордо, доживеа целосен колапс и е административно исфрлен во Регионал 1 – што е шесто по ранг натпреварување во француската фудбалска хиерархија.
Оваа ригорозна одлука ја донесе ДНЦГ, регулаторното тело за финансиски надзор на професионалните клубови во Франција, откако раководството на клубот не успеа да презентира гаранции за покривање на милионските долгови.
Падот на Бордо трае веќе неколку години, но ниту најпесимистичките навивачи не можеа да замислат вакво сценарио.
Клубот кој има шест титули во Лига 1, кој во своите редови ги имаше легендарните Зинедин Зидан, Жан-Пјер Папен и битката со Баерн Минхен во финалето на Купот на УЕФА, сега ќе мора да игра на аматерски терени против локални екипи.
Ова е можеби најтешкиот удар во богатата историја на клубот основан пред повеќе од 140 години.
Оваа фудбалска трагедија е само уште еден брутален доказ дека во модерниот фудбал историјата и реномето не значат ништо доколку финансиите не се чисти.
Бордо сега го чека исклучително болен и трнлив пат. Клубот ќе мора да прогласи банкрот, да го загуби професионалниот статус, да ја затвори славната академија и буквално од нула да го гради својот пат кон враќањето во елитата.
