ФК Скопје се засили со две искусни имиња во средниот ред. Нови членови на тимот од Автокоманда се Томче Гроздановски и Али Адем, трансфери кои треба да му донесат дополнителен квалитет на составот на стратегот Муарем Муарем.
Двајцата играчи за врска доаѓаат во момент кога „пиратите“ се соочуваат со резултатска криза на стартот од сезоната. ФК Скопје по пет одиграни кола во елитното друштво сè уште нема забележано победа, а на своето конто има три освоени бода.
Токму затоа, ангажманите на Гроздановски и Адем се очекува да внесат свежина и поголема стабилност во средниот ред, но и да му дадат дополнителни опции на Муарем во обидот да го подигне тимот на резултатски план.
