Тотенхем и официјално го објави продолжувањето на позајмицата на Тимо Вернер за уште една сезона. Крилниот напаѓач сигурно ќе остане во Лондон, а во новиот договор има нова клаузула за откупување на неговиот договор вредна само 8,5 милиони фунти.
Во претходниот договор меѓу Тотенхем и Лајпциг постоеше опција од 15 милиони фунти, но челниците на англискиот клуб не сакаа да ја искористат.
Тие, исто така, имаа корист од фактот што Лајпциг немаше желба да го врати напаѓачот и наместо тоа беа подготвени да се задоволат со нова позајмица.
Германецот пристигна во Тотенхем во јануари и забележа два гола и три асистенции на 13 натпревари во Премиер – лигата. Лондончани завршија петти минатата сезона и ќе играат во Лига Европа следната година.
