Тијани Рејндерс е ново засилување на Манчестер Сити

Холандскиот интернационалец Тијани Рејндерс е нов фудбалер на Манчестер Сити. Англискиот премиерлигаш го купи играчот од средниот ред на Милан за 70 милиони евра, вклучувајќи и бонуси.

Рејндерс со Сити потпиша четиригодишен договор.

Минатата сезона Холанѓанецот одигра 37 натпревари во италијанскиот шампионат на кои постигна десет гола и додаде уште четири асистенции. 26-годишникот играше уште и за АЗ Алкмар, РКЦ Валвијк, Јонг АЗ и Цволе.