Еден од најдобрите напаѓачи во светот во минатиот век, француската легенда Тиери Анри, се наоѓа меѓу кандидатите за нов тренер на Барселона, открива „Мундо Депортиво“. 44-годишниот Французин е поранешен играч на каталонскиот тим и во моментов е дел од стручниот штаб на Роберто Мартинез во белгиската репрезентација.
Анри беше меѓу имињата за тренер на Барса и во 2017 година, кога тимот му беше доверен на Ернесто Валверде. Белгискиот селектор Мартинез ја демантираше можноста да пристигне на „Камп Ноу“ поради договорот со федерацијата, сега Анри избива во преден план.
Поранешниот напаѓач ја започна својата тренерска кариера како помошник на Мартинез во Белгија по Евро 2016, а во 2018 година накратко го предводеше Монако пред да се пресели во канадскиот Монтреал Импакт. Меѓутоа, пред неколку месеци, тој се врати кај „црвените ѓаволи“.
Барселона планира да му даде отказ на Роналд Куман во текот на репрезентативната пауза која ќе следи на почетокот на октомври.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski