Тетекс доведе две засилувања во одбраната

Македонскиот второлигаш Тетекс доведе две засилувања за одбранбениот дел од тимот. Нови фудбалери на „текстилците“ се младинскиот репрезентативец Божидар Митревски кој доаѓа од прволигашот Силекс, и Ринор Ајдини, кој досега го носеше дресот на второлигашот Кадино. 

Тетекс во пролетниот дел од сезоната во Втората лига Запад ќе има тешка мисија за обезбедување опстанок. По првиот дел од шампионатот се наоѓа на осмата позиција на табелата со 13 освоени бода.