Германскиот голман Марк-Андре тер Штеген се враќа на голот на Барселона, потврди тренерот на клубот Ханси Флик, пренесува шпанскиот весник „АС“. Се очекува Тер Штеген да биде стартер на саботниот натпревар против Валјадолид во рамките на 34. коло од Ла Лига.
Ова ќе биде прв настап за Тер Штеген од септември 2024 година, откако подолго време беше отсутен поради повреда на коленото. Досега оваа сезона има само шест настапи во шампионатот, но неговото враќање доаѓа во клучен момент за Барса.
Каталонците се лидери на табелата во шпанското првенство со четири бода предност пред Реал Мадрид.
