Ајакс официјално го објави доведувањето на голманот на Барселона, Марк-Андре тер Штеген.
34-годишниот германски чувар на мрежата му се приклучува на холандскиот гигант на едногодишна позајмица. Трансферот доаѓа по желба на новиот тренер на Ајакс, Мичел, кој со Тер Штеген работеше и во Џирона.
Голманот и минатата сезона беше позајмен во шпанскиот клуб, но успеа да одигра само два натпревари, по што повторно доживеа тешка повреда.
Веста за позајмицата беше официјално потврдена и од Барселона. Треба да се напомене дека позајмувањето на Тер Штеген нема да донесе особено олеснување за буџетот на клубот, бидејќи Каталонците преземаат 90% од платата на играчот. Сепак, во зависност од одиграните натпревари, Ајакс може да плати нешто повеќе од договорените 10%.
Тер Штеген, кој ја освои Лигата на шампионите со Барса во 2015 година и има 21 трофеј со каталонскиот тим, има собрано 423 натпревари за „блауграна“.
Тоа го рангира на 11. место меѓу играчите со најмногу официјални настапи за Барселона и на второ место меѓу странците, единствено зад Лео Меси. Сега, со дресот на Ајакс, тој ќе настојува повторно да го покаже нивото што толку пати го покажал како играч на Барселона.
