По недели шпекулации за можен трансфер, изгледа дека Тео Хернандез ќе остане во Милан. Директорот на клубот, Џорџо Фурлани, откри дека е постигнат сериозен напредок во преговорите за нов договор со францускиот репрезентативец.
Иако влезе во последната година од актуелниот договор, Хернандез очигледно е подготвен да го продолжи своето поглавје на „Сан Сиро“. Претходно се шпекулираше дека клубот би можел да го продаде поради незадоволителната сезона, но Милан и играчот сега се на иста бранова должина и работат на нова соработка.
„Блиску сме до договор. Разговорите напредуваат многу добро“, изјави Фурлани, најавувајќи позитивен развој.
Тео Хернандез, кој важи за еден од најдобрите леви бекови во светскиот фудбал, во Милан пристигна во 2019 година од Реал Мадрид и оттогаш стана незаменлив дел од тимот. Со потпишувањето на новиот договор, „росонерите“ испраќаат јасен сигнал дека клучните фигури остануваат во тимот и покрај турбулентната сезона.
