Сухел Мухареми го засили Работнички

Досегашниот фудбалер на Шкупи и некогашен младински репрезентативец на Македонија, Сухел Мухареми, е ново засилување на Работнички.

Клубот од Дебар Маало тргна во реновирање на екипата за вториот дел од сезоната. Претходно денеска беше промовиран и Зија Мерџани.

Работнички овој викенд ќе го одигра првиот контролен натпревар, и тоа против Шкупи, поранешниот клуб на Мухареми, в недела, на стадионот „Борис Трајковски“.