Тренерот на Црвена Звезда, Дејан Станковиќ, и фудбалерите на српскиот првак останаа огорчени од судијата Хесус Хил Мансано, кој во фотофинишот од мечот против Милан на „Сан Сиро“ не дозволи гостите да изведат корнер, во последнот обид можеби да постигнат гол и да го елиминираат славниот италијански тим.
Натпреварот заврши 1-1, а Милан се пласира во следната рунда од Лигата на Европа поради ремито (2-2) на првиот меч во Белград.
Шпанецот одлучи да отсвири крај и не дозволи Црвена Звезда да го изведе последниот корнер на натпреварот, а потоа имаше бурни реакции од гостинските фудбалери.
