Уругвајскиот интернационалец Луис Суарез потсети на бесните денови кога гризеше противници. Во моменти на нервоза, кога Атлетико Мадрид губеше од Челси на синоќешниот дуел од ЛШ во Букурешт, Суарез влезе во клинч со дефанзивецот Антонио Рудигер. Тој го штипеше неспортски германскиот интернационалец при борба за топката, а ТВ камерите сето тоа го открија.
Интересен беше коментарот на поранешниот играч на Челси, Џо Кол.
„Кога одгледувате деца и кога тие ќе престанат да гризат, а потоа се префрлуваат на штипење, велите дека има напредок во нивниот развој“, се пошегува Џо Кол.
