Струга Трим Лум, под водство на тренерот Бледи Шкемби, одлучи да го намали бројот на играчи во ростерот и да им овозможи на некои фудбалери поголема минутажа преку позајмици. Во таа насока, клубот ги позајми четворица фудбалери за да продолжат со натпреварувачки развој.
Јусуф Каба и Хадис Таири ќе играат за второлигашот Шкендија Арачиново, додека Веби Ислами ја продолжува сезоната во Кожуф, а дефанзивецот Кире Ристевски е позајмен во Пелистер до крајот на сезоната.
Струшкиот клуб најави и понатамошни кадровски промени, па конечниот состав ќе биде целосно формиран по завршувањето на подготовките на крајот на јануари. Вториот дел од ПМФЛ стартува на 7 февруари, а стружани заминуваат на подготовки во Анталија.
