Серхат Пекмеџу, фудбалскиот ментор на Арда Ѓулер, предизвика голема реакција со изјава за „Sports Digitale“, тврдејќи дека турскиот играч бил изложен на малтретирање во Реал Мадрид.
„Иако Реал Мадрид е мегаклуб, Арда Ѓулер страдаше од малтретирање на работното место. Не дека ми се жалеше, но знаев дека ќе се случи. Му реков да биде трпелив“, откри Пекмеџу, кој го водеше Ѓулер во неговите рани години.
„Малтретирањето доаѓаше од играчите. Постоеше група која не можеше да го прифати Арда. За жал, тоа се играчи со многу големо его. Арда е многу трпелив и свесен, но дури и тој почна да се буни, размислувајќи: ‘Зошто секогаш јас?’“, додава менторот.
Пекмеџу истакна дека токсичната атмосфера во соблекувалната на Реал Мадрид влијаела и на решението на Јирген Клоп да не дојде, а исто така и на заминувањето на Чаби Алонсо.
„Клоп веќе кажа дека некои играчи треба да заминат за да може тој да дојде. Токму затоа и Чаби Алонсо си замина“.
Во интервјуто, Пекмеџу истакна и дека Фенербахче, клубот од кој Реал Мадрид го купи Арда Гјулер, е „поголем клуб од ‘кралевите’“.
„Секогаш сум тврдел дека Фенербахче не се разликува од Реал Мадрид. Всушност, за мене е поголем клуб од Реал Мадрид. Имаме кошаркарски тим кој ја освои Лигата на шампионите. Имаме светски познати спортисти. Бројни ѕвезди доаѓале овде“, изјави Пекмеџу.
