Валенсија и Елче одиграа натпревар без победник (1-1) во 19. коло на шпанската Ла Лига. Натпреварот на „Месталја“ понуди два погодоци во вториот дел и поделба на пленот.
Македонскиот репрезентативец Столе Димитриевски беше стартер меѓу стативите на „лилјаците“ во отсуство на повредениот Хулен Агирезабала. Кумановецот по подолг период е стартер за својот тим во шпанската елита.
Елче успеа да дојде до предност од првиот шут во рамките на голот. Течеше 75. минута кога Гради Диангана го матира Димитриевски за 0-1.
Сепак, до крајот Валенсија доби пенал, одговорноста ја презеде Пепелу и реализира за конечни 1-1.
