Валенсија конечно се израдува на првата победа сезонава во Ла Лига, а еден од најзаслужните за триумфот е македонскиот репрезентативен голман Столе Димитриевски.
„Лилјаците“ славеа со минимални 0-1 на гостувањето кај Алавес во шестото коло, а Димитриевски блескаше меѓу стативите.
Македонецот во неколку наврати со фантастични интервенции го спасуваше голот на Валенсија и беше еден од клучните играчи за освоените три бода.
Од клубот не го криеја задоволството од неговата партија, па преку социјалните мрежи испратија пофалби за својот голман и за неговите одлични одбрани.
За Валенсија ова беше прв триумф во првенството по шест одиграни кола, а Димитриевски со својата сигурност одигра значајна улога во конечното славје.
