Со доаѓањето на новиот шеф на стручен штаб, Добринко Илиевски, ФК Кит Го четири едноподруго натпревари е без пораз во Втората лига – Исток.
По ремито во дерби пресметката со штипска Брегалница, сега фудбалерите на Кит Го ги очекува нов дерби дуел, денеска во рамките на 22. коло против гевгелиски Кожуф. Еден од најдобрите фудбалери на пехчевци, младиот Мартин Стојанов посакува тимот против Кожуф да се врати на победите.
„Не очекува, во секој случај, тежок натпревар против одличната екипа на Кожуф со која до сега двапати ремизиравме. Задоволни сме што, и покрај реми разврската, одигравме добар натпревар против Брегалница. Сега подготвени сме и мотивирани за новата пресметка. Желбата е да продолжиме и уште подобро, па против Кожуф да се вратиме на победите. Навистина силно посакувам утре со триумф да ги израдуваме нашите навивачи“ – вели Мартин Стојанов.
Натпреварот меѓу Кит Го и Кожуф се игра денеска со почеток од 16 часот на Градскиот стадион во Пехчево.
ВТОРА ЛИГА – ИСТОК – 22. КОЛО (денеска, 16 ч.)
Кит Го – Кожуф
Брегалница – Детонит јуниор
Партизан Обршани – Плачковица
Каменица Саса – Тиквеш
Вардар Неготино – Борец
