Македонскиот прволигаш Македонија ЃП ангажираше уште едно засилување пред стартот на пролетниот дел од првенството. Нов играч на „лавовите“ е Стојан Стојчевски кој го напушти Борец и одлучи да ја прифати понудата на ѓорчепетровци.
Жикица Тасевски добро ги познава квалитетите на Стојчевски и верува дека ќе донесе нов квалитет во дефанзивната линија на Македонија ЃП.
Стојчевски пред да го носи дресот на Борец, во кариерата настапуваше и за Скопје, Хоризонт Турново, Тетекс, Љубанци, Силекс, Академија Пандев, Работнички и Брегалница.
