Дефанзивецот Стефан Наумчевски официјално се пресели во редовите на Приштина, клуб со големи амбиции за шампионската титула во Косово. Со овој трансфер, Наумчевски ќе се приклучи на нашиот репрезентативец Марио Илиевски, кој имаше одлична полусезона со многу голови и асистенции, и ќе формираат силен македонски тандем во составот на косовскиот прволигаш.
Наумчевски, кој досега го носеше дресот на Брера, има богато домашно искуство, настапувајќи за Победа, Металург, Вардар и Тиквеш.
Покрај тоа, тој е и поранешен македонски младински репрезентативец, што го прави играч со значително искуство и квалитет кој може веднаш да донесе стабилност во одбраната на Приштина.
