Стефан Ашковски ја продолжува кариерата во Иран

Македонскиот фудбалски репрезентативец Стефан Ашковски замина од Србија и ќе оди на фудбалска печалба во далечниот Иран. Тој официјално е промовиран како ново засилување за иранскиот прволигаш Мес Рафсанјан.

Ашковски првиот дел од сезоната го мина во српската Суперлига, во дресот на Раднички Ниш.

33-годишниот лев бек има долгогодишно интернационално искуство, но за првпат ќе игра во првенството на Иран.

За Раднички Ниш имаше девет настапи во првенството на Србија.