Монца е новото милениче на Силвио Берлускони и на Адријано Галијани, а клубот од Серија Б сака да го доведе поранаешниот најдобар фудбалер во Европа, Франк Рибери. Французинот добил понуда да се пресели во Монца и во овој зимски преоден рок, но ја одбил, со ветување дека сериозно ќе размисли доколку Монца успее да избори пласман во италијанската фудбалска елита.
Монца ги доведе Марио Балотели и Кевин – Принс Боатенг, а следниот „капиталец“ треба да биде Франк Рибери. Голема улога во овој трансфер треба да одигра токму Боатенг кој е одличен пријател со Рибери. Сепак, Монца ќе мора да обезбеди пласман во Серија А доколку сака да смета на потписот на Французинот кој го носи дресот на Фиорентина.
