Сопственикот на ФК Гостивар донираше милион денари за семејствата на настраданите во трагедијата во Кочани

На Градскиот стадион во Виница денес се одигра хуманитарен пријателски натпревар помеѓу ФК Слога 1934 Виница и ФК Гостивар, каде што фудбалот беше само симбол на солидарност и поддршка.

Натпреварот започна со едноминутно молчење во чест на младите животи кои трагично згаснаа во Кочани. Собраните средства во износ од 34.110 денари ќе бидат донирани на семејствата на настраданите во трагедијата.

Дополнително, сопственикот на ФК Гостивар покажа голема хуманост, донирајќи еден милион денари на сметката за донации на Црвениот крст.