Словенечкиот арбитар Славко Винчиќ е избран за главен судија на финалето на Светското првенство меѓу Шпанија и Аргентина. Одлуката му ја соопшти претседателот на Судиската комисија на ФИФА, Пјерлуиџи Колина, а 46-годишниот Словенец не можеше да ги сокрие емоциите, бидејќи ова претставува врв во неговата судиска кариера.
Големото финале ќе се одигра на стадионот „МетЛајф“ во Њујорк, а на Винчиќ ќе му асистираат неговите сонародници Томаж Кланчник и Андраж Ковачиќ.
Покрај огромната чест што ќе ја дели правдата на најважниот натпревар во светскиот фудбал, Винчиќ ќе добие и значителна финансиска награда.
Главниот судија за финалниот натпревар ќе инкасира околу 60.000 американски долари. Се проценува дека неговата вкупна заработка од настапите на Светското првенство би можела да достигне околу 140.000 долари, иако конечната сума ќе зависи од бонусите и официјалната пресметка на ФИФА.
Назначувањето за главен судија на финалето е уште една потврда за угледот што Винчиќ го ужива во светските судиски кругови, откако во изминатите години успешно судеше на бројни натпревари од највисоко ниво во Лигата на шампионите, европските првенства и големите меѓународни турнири.
