Лидерот на табелата во Втората лига Запад, тимот на Скопје, продолжува таму каде што застана во есенскиот дел од првенството. Иако имаше одредени промени во тимот на Љупчо Марковски, денешната проверка со Кадино покажува дека доведени се квалитетни засилувања.
Искусниот Христијан Кировски кој се врати во Скопје по неколку години, а првиот дел од сезоната играше за Гостивар, постигна хет – трик за едно полувреме во триумфот од 6-1 против Кадино. Покрај него, за Скопје стрелаа и Иво Јанакиевски од пенал, Мустафа Јусуф и Арсим Љамалари.
Единствениот погодок за Кадино беше дело на Марио Благојевски. Пријателскиот натпревар се одигра во Марино.
