Манчестер Сити ја продолжи победничката серија и со нов триумф над Барнли (0-1) и по долго време се искачи на врвот во Премиер – лига.
„Граѓаните“ одиграа скромно, но победија на гостувањето на „Турф Мур“, па со новите три бода се израмнија со Арсенал на 70 бодови и благодарение на подобрата гол-разлика ја презедоа лидерската позиција. За разлика од нив, Барнли со овој пораз дефинитивно ги загуби шансите за опстанок и следната сезона ќе настапува во понизок ранг.
Клучниот момент се случи уште на самиот почеток. Во петтата минута Ерлинг Халанд повторно беше на вистинското место и го постигна својот 23. гол сезонава во лигата, доволен за нова важна победа.
Борнмут и Лидс Јунајтед одиграа возбудливо реми 2-2. Сите голови паднаа во второто полувреме – за домаќините погодија Крупи и Рајан, додека за гостите автогол на Хил и погодокот на Лонгстаф во судиското продолжение донесоа вреден бод.
