Англискиот премиерлигаш Манчестер Сити ќе биде десеткуван во одбраната во наредниот период. Откако стана јасно дека Јошко Гвардиол поради скршеница на тибијата ќе паузира долги пет месеци, дојде информација и за повредата на Рубен Дијаш.
Португалецот ќе отсуствува од околу шест седмици поради истегнување на бутниот мускул. Ова значи дека Пеп Гвардиола оатанува без стартниот стоперски тандем во клучниот дел од сезоната.
Сити најверојатно ќе мора итно да излезе на трансфер маркетот и да доведе нов дефанзивец. Раководството на клубот веќе се вклучи во трката за потписот на Марк Гехи од Кристал Палас.
