Кампот на англиската фудбалска репрезентација беше погоден од земјотрес со јачина од 6,1 степени според Рихтеровата скала. Цели згради во Орландо, каде што Англичаните треба да играат против Костарика, биле евакуирани. Според локалните медиуми, нема повредени.
Епицентарот на земјотресот бил на Куба, но потресот бил почувствуван на стотици километри оддалеченост, сè до Флорида.
Земјотрес со ваква јачина не го погодил регионот уште од 1880 година.
Ова не е првиот инцидент поврзан со кампот на „трите лава“. Во понеделникот, на само шест километри од базата на Англија, девет лица беа повредени во вооружена престрелка.
