Никакво резултатско значење за Силекс нема денешната пресметка со Арсими. Кратовскиот тим е сигурен на четвртата позиција, а за нив приоритет ќе биде финалето на Купот на 20. мај.
Затоа сосема растоварено влегуваат кратовци во денешниот меч.
„Одиме како и на секој меч на победа, иако овој натпревар нема резултатско значење. За нас поважно е финалето на Купот каде го сакаме трофејот. Затоа овој дуел ќе ни биде еден вид подготовка за финалето”, вели Ѓорѓе Џеков, дефанзивецот на Силекс.
Натпреварот во Кратово почнува во 16 часот.
