Македонската фудбалска репрезентација ја очекува нов предизвик во Лигата на нации, каде што за првпат ќе настапува во Б-дивизијата. Избраниците на селекторот Гоце Седлоски ќе се соочат со исклучително квалитетни противници – Швајцарија, Шкотска и Словенија.
Новиот циклус Македонија ќе го отвори на 26 септември со домашен натпревар против Швајцарија во Скопје, а сега е потврдено дека реваншот ќе се одигра на 6 октомври на стадионот „Свиспор Арена“ во Луцерн.
Швајцарците ќе ја имаат фаворитската улога и на двата натпревари, особено ако се земе предвид дека неодамна обезбедија пласман во четвртфиналето на Светското првенство. Сепак, македонската селекција ќе се обиде да приреди изненадување и да освои бодови против еден од најсилните ривали во групата.
За Македонија ова ќе биде сериозен тест и можност да покаже дека заслужено се наоѓа во Б-дивизијата, бидејќи во претстојниот циклус ќе се соочи со три репрезентации кои традиционално припаѓаат на европскиот фудбалски врв.
