Реал Мадрид го загуби финалето на Суперкупот на Шпанија од големиот ривал Барселона, а тоа доведе и до разделба со тренерот Чаби Алонсо. Раководството му се заблагодари за соработката, а за нов предводник го именуваше Алваро Арбелоа.
Оваа ситуација ја коментираше и легендарниот Бернд Шустер.
“Бев со дел од раководните луѓе на Реал Мадрид и го следев во живо финалето на Суперкупот во Саудиска Арабија. И морам да кажам дека со ништо не се насетуваше ваквата одлука на Флорентино Перез. Но, промената се случи, и сега одговорноста се префрла кон фудбалерите, односно дел од ѕвездите на тимот. Тие треба да покажат зошто го носат дресот на Реал. Тој дрес има посебна тежина и треба во секој момент да бидете најдобри. Чаби Алонсо замина, да видиме дали сега се ќе биде подобро. Не верувам дека Чаби погреши, но многу е тешко да се предводи соблекувалната на Реал Мадрид”, изјави Бернд Шустер.
