Македонскиот првак Шкендија е пред нов европски предизвик, сега во второто по ранг натпреварување – квалификациите за Лигата на Европа. Противник е Дуделанж, тимот од Луксембург, а избраниците на Ќатип Османи знаат како не треба…како што играа против Номе Калју.
Со подобра атмосфера, заборавена елиминација од естонскиот тим, фудбалерите на Шкендија се полни со оптимизам и веруваат дека овојпат ќе се претстават во многу подобро издание. Го одработија официјалниот тренинг на арената „Тодор Проески“, а дуелот со Дуделанж е закажан за утре, со почеток во 17.55 часот.
