Шкендија се раздели со Башким Велија, нов десен бек е Александер Трумци

Македонскиот прволигаш Шкендија се раздели со десниот бек Башким Велија. Неговиот договор истече на крајот од сезоната и тој заминува како слободен агент. На неговата позиција е доведено ново засилување, Александер Трумци, кој доаѓа од албанскиот клуб Билиш. Во првите шест месеци тој ќе игра како позајмен играч, а потоа постои опција за потпис на договор на 2,5 сезони.

Шкендија му се заблагодари на Велија за придонесот во тетовскиот клуб.

Фудбалерите на Шкендија први ги стартуваа подготовките за новата сезона, во која тимот ќе има настап и во квалификациите за Конференциската лига.