Македонскиот првак Шкендија го загуби првиот пријателски натпревар на летните подготовки. На стадионот „Фадиљ Вокри“, Шкендија доживеа пораз од Приштина (2-0).
Стрелец на првиот погодок за Приштина беше поранешниот фудбалер на Шкендија, Гледи Мици. Само неколку мигови по водство, Приштина постигна и втор гол преку Леотрим Крезиу.
Шкендија до дуелите со Мура во квалификациите за ЛШ ќе одигра уште три пријателски натпревари против Шкупи (21 јуни), против Лачи од Албанија (25 јуни) и против ЦСКА Софија од Бугарија (29 јуни).
