Македонскиот прволигаш Шкендија денеска патува за Истанбул каде ќе одржи тренинг сесија, а потоа по кратка пауза, тимот патува за Ереван каде в четврток ќе се соочи со ерменскиот тим ФК Ноа.
Шкендија вчера ја одржа последната тренинг сесија во Тетово, интензивно подготвувајќи се за претстојните меѓународни предизвици. Денеска, тимот патува за Турција, каде што ќе отседне во Истанбул и ќе одржи еден тренинг.
Во среда тимот ќе се отпатува за Ереван, Ерменија каде ќе го одржи официјалниот тренинг и официјалната прес-конференција.
Со екипата за Ерменија не патуваат Ибрахим Алхасан Адаму (доцнење на документацијата за добивање дозвола за престој) и Дауда Карамо Бамба (рекуперација).
