Новиот прволигаш Шкендија Арачиново успеа да реши еден од големите проблеми за настап во елитната конкуренција. Арачиновци објавија дека постигнале договор натпреварите како домаќини да ги играат на стадионот Чаир.
”Со задоволство ве известуваме дека ФК Шкендија Арачиново постигна официјален договор со раководството на ФК Шкупи за одигрување на сите домашни натпревари за новата сезона на стадионот „Чаир“.
По тој повод, сакаме да му се заблагодариме на раководството на ФК Шкупи за коректноста и гостопримството, како и на градоначалникот на Општина Чаир, г-дин Изет Меџити, за поддршката пружена во реализацијата на оваа соработка.
На крајот, од сè срце му посакуваме успех на нашиот братски клуб, ФК Шкупи, и брзо враќање во македонската фудбалска елита – таму каде што припаѓа и каде што се наоѓа неговата историја”, објавија од Шкендија Арачиново.
Следната голема акција на клубот треба да биде пререгистрација во Акционерско друштво што исто така е еден од условите за настап во Првата македонска фудбалска лига.
