Connect with us

Шаќири и Хасани веруваат во поволен исход за Шкендија на гостувањето во Рига (ВИДЕО)

Против Валмеира, Шкендија утре во Рига ќе го одигра првиот дуел од двомечот од 2.квалификациско коло во УЕФА конференциската лига. Во тетовскиот состав владее оптимизам да повлен исход на гостувањето кој би обезбедил добра позиција пред реваншот на домашен терен.

„Ова е многу важен натпревар за нас. Тимот на Валмиера е можеби непознат противник, но добро ги анализиравме. Ќе дадеме се од себе да извлечеме максимум и да извлечеме позитивен резултат, бидејќи овие натпревари се квалификациски и имаат своја вредност. Тимот сигурно ќе го даде максимумот и ќе ги извршува задачите дадени од стручниот штаб“ изјави на официјалната прес конференција тренерот на Шкендија Артим Шаќири.

На поволен исход се надева и капитенот Ферхан Хасани.

„Утрешниот натпревар ќе биде сосема поинаков од првото коло. Ако го одиграме натпреварот што го одигравме на последните два натпревари против Арарат, верувам дека ќе извлечеме позитивен резултат. Во наша корист е првиот меч да се игра овде во Летонија, бидејќи во реваншот ќе имаме поддршка од нашите навивачи. Заедно со навивачите верувам дека ќе обезбедиме пласман во следната рунда. Целиот тим е мотивиран за утрешниот натпревар и со максимално залагање од сите се надевам дека ќе извлечеме позитивен резултат и потоа ќе го чекаме реваншот во Скопје“ – вели Хасани.

Advertisement
Advertisement
Advertisement

Facebook

Тимови