Легендарниот фудбалер на Реал Мадрид и поранешен шпански репрезентативец, Серхио Рамос, го напушта мексиканскиот Монтереј и сака да се врати во Европа. И тоа не било каде, туку во некој од европските гиганти, затоа што сака да се наметне и за селекцијата на Шпанија за настап на СП 2026.
Се споменуваше можно враќање во Шпанија, но се чини дека многу поблиску е до трансфер во Серија А.
Серхио Рамос би можел да му се придружи на Лука Модриќ, поранешниот клупски другар од Реал, но сега во дресот на Милан.
Масимилијано Алегри е искусен стратег и знае дека квалитетот на Серхио Рамос не е спорен, иако има 39 години. Впрочем, Милан веќе направи одличен потег со Модриќ и тоа функционира одлично.
