Сергеј Ребров веќе не е селектор на националниот тим на Украина, откако двете страни постигнале договор за раскинување на соработката, соопшти фудбалската федерација на земјата.
Ребров ја презеде репрезентацијата во јуни 2023 година и во тој период успеа да ја одведе Украина на Европското првенство во 2024 година. Сепак, таму тимот не успеа да остави посилен впечаток и заврши на последното место во групата, во која беа и Белгија, Словачка и Романија.
Во квалификациите за Светското првенство 2026 година, Украина го освои второто место во групата зад Франција, но во плејоф фазата беше елиминирана од Шведска со 1-3.
Пред да стане селектор, Ребров имаше богата тренерска кариера, водејќи ги Динамо Киев, Ференцварош, како и клубовите Ал-Ахли и Ал-Аин.
