Сергеј Јакировиќ е прогласен за менаџер на месецот за август во Премиер-лигата, откако босанскиот стратег го предводеше Хал Сити до совршен почеток на сезоната по враќањето во англиската елита.
„Тигрите“ во првите две кола остварија две големи победи. Најпрво на домашен терен го совладаа Манчестер Јунајтед, а потоа триумфираа и на гостувањето кај Ковентри.
Хал Сити во септември одигра и трет натпревар, на кој ремизираше без голови против Астон Вила, па по три кола се наоѓа на високото трето место на табелата.
За Јакировиќ ова е историско признание, бидејќи тој е првиот менаџер на Хал Сити кој ја освоил наградата по Мајк Филан во август 2016 година.
Босанецот во конкуренција за признанието ги победи Микел Артета, Чаби Алонсо и Енцо Мареска, кои имаа максимален ефект со своите екипи во првите две кола од новата сезона.
Во исто време, Премиер-лигата го прогласи Жоао Педро за најдобар фудбалер во август. Напаѓачот на Челси постигна два гола и забележа две асистенции во првите два натпревари на лондонскиот клуб.
За Бразилецот ова е прва месечна награда во кариерата.
Последен фудбалер на Челси кој го доби признанието беше Кол Палмер во септември 2024 година. Овојпат Жоао Педро во конкуренција ги победи токму Палмер, Рикардо Калафиори од Арсенал, Рајан Шерки од Манчестер Сити, Бруно Фернандеш од Манчестер Јунајтед, Мамаду Сангaре од Брентфорд, Константинос Цолакис од Хал Сити и Јоан Виса од Њукасл.
