Тренерот на Порто, Серџо Консеисао, решил да ја напушти функцијата, откри „Рекорд“. Тренерот на „змејовите“ ќе ја искористи посебната клаузула во договорот која му овозможува да си замине на лето.
Раководството на португалскиот гигант веќе е свесно за намерите на Консеисао и е во потрага по негова замена.
Се очекува стратегот следната сезона да го води Олимпик Марсеј. Клубот од „Велодром“ испрати примамлива понуда на која Консеисао ќе одговори во наредните денови.
Под водство на поранешниот репрезентативец на Португалија, Порто освои три титули, четири домашни купа, еден Лига куп и три Суперкупа.
