Кевин де Бруин се подготвува за разделба со Манчестер Сити, а интересот за белгискиот маестро е огромен. Според информации на Џанлука Ди Марцио, Наполи и Ливерпул се најсериозните кандидати за неговиот потпис.
Иако има 33 години, желбата на Де Бруин е јасна – останува во Европа. Наполи веќе подготвува стратегија како да го привлече, а клучната алка во тој план може да биде Ромелу Лукаку, со кого Кевин има блиска врска од репрезентацијата.
Во трката не заостанува ниту Ливерпул, кој, според шпекулациите, веќе испратил официјална понуда до играчот.
Оваа сезона, Де Бруин има одиграно 36 натпревари во сите конкуренции, постигна шест гола и асистираше осум пати – статистика која покажува дека уште има многу да понуди на највисоко ниво.
Ќе го гледаме ли Де Бруин во црвено на „Енфилд“ или на „Диего Армандо Марадона“? Летото ветува спектакл!
