Шкендија Арачиново успеа да го победи Работнички со 3-1 и повторно го елиминира од Купот, овојпат на стадионот на Башкими за пласман во полуфиналето на најмасовното натпреварување.
Уште подраматично беше на стадионот на ФФМ. Во полуфиналето се очекуваше и Вардар, но мораше да игра на пенали и загуби, откако во регуларниот тек дуелот со Охрид заврши 1-1. Бобан Николов во 60.минута донесе водство на Вардар, но израмни Давид Матески во 91.минута.
Бобан Николов и Димитар Данев не реализираа удари од 11 метри, па Охрид Лихнидос победи со 3-4 и оди во полуфиналето.
Во Куманово, Дарио Десниќ постигна прекрасен гол со удар од далечина во 40.минута најавувајќи изненадување. Во вториот дел, Работнички остана со играч помалку поради исклучувањето на Никола Пејовиќ во 58.минута, а само две минути подоцна Владимир Жоглев зголеми на 2-0.
Во 64.минута Бесир Демири намали од слободен удар, но Шкендија постигна уште еден гол и го реши дуелот.
Последните два полуфиналисти ќе бидат познати утре и на 18.март.
