Борац Бања Лука го доби големото дерби против Зрињски со 1-0, а човекот на одлука беше македонскиот репрезентативец Себастијан Херера.
Натурализираниот Македонец погоди во финишот на првото полувреме, во 45. минута, и со својот прв гол сезонава му ја обезбеди победата на тимот од Бања Лука.
Зрињски во вториот дел се обиде да стигне до израмнување, но Борац успеа да ја сочува минималната предност и да запише три исклучително важни бода во дербито од седмото коло.
За Борац ова е значаен триумф во борбата за врвот, а Херера повторно покажа дека може да биде важен фактор и во репрезентативниот, но и во клупскиот дрес.
Во составот на домаќините беше и уште еден македонски репрезентативец. Голманот Дамјан Шишковски, сепак, не доби шанса за настап и натпреварот го проследи од клупата.
