Противникот на Шкендија во нокаут-фазата од плеј-офот во Лигата на Конференции, Самсунспор, одлучи да се раздели со својот тренер, Томас Рајс. Раководството на клубот официјално објави на социјалните мрежи дека Рајс повеќе не е тренер на Самсунспор и му се заблагодарува на Германецот за се што направил за клубот во изминатата година и половина.
Ова доаѓа по двата последовни порази на Самсунспор, прво од Трабзонспор дома со 0-3, а потоа синоќа на гостувањето кај Анталијаспор со 3-1.
Ова значи дека Самсунспор во Скопје ќе пристигне со нов тренер, а првиот меч се игра во четврток на Националната Арена „Тодор Проески“ со почеток од 21 часот.
