Поранешниот германски репрезентативец Сами Кедира потпиша договор со Херта и по долги години се враќа во Бундес-лигата. Тој немаше минутажа во Јувентус, па спогодбено се раздели со италијанскиот првак. Кедира потпиша договор до 2023 година и доаѓа како слободен агент, а ќе го носи дресот со број „28“.
Кедира не беше ни лиценциран за настап во Серија А оваа сезона, имаше многу повреди и најдобрата солуција беше да замине од Торино.
Херта го доведе и Немања Радоњиќ од Марсеј на позајмица до крајот на сезоната.
