Фудбалерот на Милан, Рубен Лофтус-Чик, денеска беше подложен на итна операција поради воспаление на слепо црево, објавија италијанските медиуми.
Англичанецот требаше да биде стартер на вечерашното гостување кај Наполи, но почувствувал силни болки во стомакот додека престојувал во клупскиот хотел во Неапол. Веднаш бил префрлен во локална болница, каде што лекарите потврдиле дека итно мора да му биде отстранет апендиксот.
Ова е нов удар за Лофтус-Чик во оваа сезона, бидејќи последен пат беше стартер на 23 ноември, во ремито без голови против Јувентус.
