Менаџерот на Манчестер Јунајтед, Рубен Аморим, категорично ги отфрли шпекулациите за можен трансфер на капитенот Бруно Фернандеш во Реал Мадрид, истакнувајќи дека португалскиот плејмејкер останува клучен дел од тимот. Аморим изјави дека клубот има амбиции повторно да ја освои Премиер – лигата и дека за таа цел е неопходно најдобрите играчи да останат во составот.
Фернандеш, кој има 30 години, се истакнува со својата конзистентност, учествувајќи во 50 до 55 натпревари по сезона и придонесувајќи со најмалку 30 голови и асистенции. Аморим потенцираше дека ваквиот тип на играчи е од суштинско значење за тимот и дека нема намера да го пушти да замине.
На прашањето за сигурноста во изјавите, Аморим објасни дека клубот ја контролира ситуацијата и дека Бруно Фернандеш е среќен во Манчестер Јунајтед, особено откако ги разбрал плановите и амбициите на клубот.
